Zbulo

Lavatriçet

ColourCare - Të gjitha ngjyrat tuaja, gjithmonë më të ndritshmet

Sistemi ynë ColourCare purifikon ujin, prandaj detergjentet funksionojnë në maksimum, edhe në temperatura të ulëta. Një pastrim delikat, por i plotë, i ruan ngjyrat e rrobave tuaja dhe ato duken po aq të forta sa edhe në ditën kur i keni blerë.

Ngjyrat nuk zbehen, larje pas larjeje

Gjithçka është tek uji. Një sistem unik filtrimi heq mineralet dëmtuese dhe papastërtitë për një pastrim delikat, por të plotë. Rezultatet më poshtë janë nga një test i qëndrimit të ngjyrave të kryer mbi poliestër për 50 cikle larjeje me 30 gradë. Me ColourCare, ngjyrat nuk zbehen, e zeza qëndron e zezë, larje pas larjeje.

Kripa restauruese - Ujë më i butë, më shumë delikatesë për rrobat

Pa hyrë në kontakt me rrobat tuaja, kripa aktivizon një filtër shkëmbyes të joneve që zbut ujin dhe heq mineralet e ashpra dhe papastërtitë. Prandaj, ngjyrat do ta ruajnë intensitetin e tyre larje pas larjeje dhe të zezat nuk do të bëhen gri.

UltraCare - Teksturat tuaja, plotësisht të ruajtura

UltraCare System i përzien paraprakisht detergjentet për pastrim të shpejtë dhe të plotë. Kjo siguron që çdo fije tekstili të arrihet dhe të mbrohet, duke i mbajtur për më shumë kohë tekstilet të freskëta, të buta dhe si të reja.

Tekstilet qëndrojnë të buta. Larje pas larjeje

Detergjenti i patretur sjell pastrim më pak efikas sepse shpërndarja jo e njëtrajtshme e zbutësit mund të lërë te rrobat tuaja një ndjesi të ashpër. Lavatriçet PerfectCare me UltraCare e përziejnë paraprakisht dhe e aktivizojnë detergjentin dhe zbutësin me ujë përpara se të hyjnë në kazan. Kjo garanton shpërndarje të njëtrajtshme në mënyrë që çdo fije tekstili të lihet e pastër, e freskët dhe e butë.

SteamCare - Qëndroni shik

Sistemi ynë SteamCare ju jep rezultate profesionale nga komoditeti i shtëpisë suaj. Përfundojeni çdo larje me avull për të reduktuar rrudhat me një të tretat, duke arritur një finiturë të lëmuar pa nxehtësinë e hekurosjes së rregullt. Ose, përdorni SteamCare për të rifreskuar një rrobë dhe për të shmangur larjen e panevojshme.

Një e treta rrudha më pak

Shtimi i avullit në fund të larjes bën që fibrat e rrobave tuaja të relaksohen dhe rrudhat të reduktohen me një të tretën krahasuar me një lavatriçe pa SteamCare. Tani mund të lani dhe përdorni avull njëkohësisht, dhe pa hekurosjen e rregullt rrobat tuaja e ruajnë formën dhe teksturën e tyre për më shumë kohë.

Mos i lani rrobat, rifreskojini ato

Ndonjëherë keni rroba që thjeshtë kanë nevojë për rifreskim e jo një larje të plotë. Me FreshScent System një aromë e freskët mund të kombinohet me avull delikat për rifreskim të plotë. Kjo shton jetëgjatësinë e veshjeve duke shmangur larjen e panevojshme, duke i mbajtur ato me një pamje, ndjesi dhe aromë të shkëlqyer.

SensiCare, e përditshmja juaj, e larë me kujdes

Sistemi ynë SensiCare garanton nivelin e duhur të kujdesit duke përshtatur kohën, energjinë dhe konsumin e ujit për ngarkesën tuaj. Kjo parandalon që rrobat tuaja të lahen për më shumë sesa duhet, duke bërë që ato të ruajnë pamjen dhe ndjesinë e tyre për më shumë kohë.

Tekstilet kanë ndjesinë e veshjes së re për një kohë dy herë më të gjatë

Sipas një testi të kryer nga Ritex në vitin 2015 (testi nr.15CR00099) përdorimi i SensiCare i bën tekstilet të kenë ndjesinë e veshjes së re për një kohë dy herë më të gjatë. Sensorët i rregullojnë automatikisht cilësimet e ciklit sipas madhësisë së ngarkesës brenda minutës së parë për të reduktuar kohën, energjinë dhe ujin e përdorur. Kjo do të thotë më pak konsumim, jo vetëm për rrobat tuaja, por edhe për mjedisin.